【我們的故事】從旅行團到日本直送鮮果

2020年6月24日

2020年新冠病毒席捲全球,多個國家都實施封關,旅遊業正面臨極大嘅危機。多年來,我地積極開拓唔同嘅旅遊業務滿足市場需求,為咗維持現時一般營運運作,憑住與日本各県市政府同各單位嘅長期深厚合作關係,我地決定正式引入港人熱愛、以高品質聞名嘅日本蔬果名物,等大家安坐家中都可以品嚐來自日本的味道。

我地非常榮幸得到日本駐港領事館嘅全力支持,以及「日本全農 (JA) 」全力配合品質驗證,達致我們訂立嘅「新鮮蔬果·產地直送」營運目標,令我地可以為大家送上來自日本嘅美味農產品。而家只需要利用網上購物嘅便利,就可以享受到日本空運直送嘅新鮮蔬果!

日本四季分明,令每個県市都盛產唔同嘅蔬果名物。除咗全年當造嘅網紋蜜瓜,夏天有哈蜜瓜、西瓜、水蜜桃;秋天有提子、日本梨;冬天就有士多啤梨,每樣都係港人熱愛嘅日本水果。而且日本水果就係品質嘅保證,新鮮、多汁、甜度高,無論係買黎自己享受、同親友分享,定係送禮都非常合適。

「日本全農」 (JA)

由1948年起,JA全農一直致力為全日本農畜業生產者提供生產、流通、販賣、經營、加工、技術等支援。係全日本國各地擁有多個物流中心、倉庫、加工廠房、研究所等設施,另外亦擁有肥料、農業機械、保險、銀行等業務,務求為日本嘅生產者提供安心嘅工作環境,提高農畜產品品質,成為一座令生產者和消費者都能安心信賴嘅橋樑。總而言之,認住JA全農嘅logo,就知道係代表日本出口同品質嘅保證!

圖片來源:網上圖片